ध्यास गीतांचा

शांत झोप येईलच कशी मज

ध्यास गीतांचा हो जडला,

शब्दांचा तो अमूल्य खजिना

समोर माझ्या येऊनी पडला

✒ K. Satish

क्रांतिसूर्य महात्मा ज्योतिबा फुले

 समाजसेवा म्हणजे नक्की काय असते ?

   पृथ्वीतलावरील प्रत्येक मानव हा मानव म्हणूनंच जन्माला आला आहे, त्यामुळे प्रत्येक माणसाने प्रत्येक माणसाला माणसाप्रमाणे वागवले पाहिजे. या विचारधारेवर लढताना स्वतः त्रास सहन करून लोकांसाठी झिजणे काय असते ?
   

स्त्रियांना शिक्षणाचा अधिकार मिळवून देण्यासाठी स्वतःची ऐहिक सुखे बाजूला ठेवून प्रस्थापितांविरूद्ध बंड उभारून, प्रसंगी अतिशय कष्टदायक हालअपेष्टा सहन करून स्त्रियांना त्यांचा अधिकार मिळवून देताना किती जिद्द, सहनशक्ती आणि सामाजिक समतेसाठीची तळमळ लागते ?

   या सर्व प्रश्नांची उत्तरे शोधताना एका महापुरुषाचे नाव समोर येते......ते म्हणजे

   क्रांतिसूर्य महात्मा ज्योतिबा फुले.

अशा महापुरुषांनी या भारत देशात जन्म घेतला, आपल्या अभूतपूर्व कार्याने या देशाचा मान वाढविला आणि महत्वाचे म्हणजे या देशात समतेची बीजे रोवली. त्यामुळे अशा भारत देशात जन्माला येणे ही माझ्यासाठी अतिशय अभिमानाची गोष्ट आहे.

आज 11 एप्रिल रोजी या महान समाजसुधारकांच्या जयंतीनिमित्त त्यांच्या पावन स्मृतीस विनम्र अभिवादन...!!!

✒ K. Satish

जीवनगाणे

जीवनाच्या वाटेवरती

अडथळे खूप पाहिले,

तरीही जीवनगाणे मी

हसत हसत गायिले...

✒ K. Satish

असेल पत तर मिळेल किंमत

 एखादा साधा कागद जर रस्त्यात पडला असेल, तर लोक एकतर त्याला दुर्लक्षित करतात किंवा त्याला लाथाडून, तुडवून पुढे निघून जातात.

परंतु , तोच कागद एखाद्या 100, 200, 500, 2000 च्या नोटेचं स्वरूप प्राप्त झाल्यावर पडलेला दिसला तर त्याला आपलेसे करण्यासाठी लोकांमध्ये चढाओढ लागते.

मनुष्याच्या बाबतीतही असेच घडते.......

✒ K. Satish

 

अंधश्रद्धेचे भूत

प्रगतीपथावर गेलो आम्ही

केली चंद्रावर स्वारी,

तरीही अंधश्रद्धेचे भूत हे

बाळगले अंतरी

✒ K. Satish

मराठी मातृभाषा

सुंदरतेने नटली आहे

आपली मराठी मातृभाषा,

भावी पिढीच्या मनी रूजावी

हीच माझी अभिलाषा...!!!

✒ K. Satish

 

खुर्चीचा खेळ सारा खुर्चीचा खेळ

साम दाम दंड भेदाचे सहाय्य घेऊनी

भ्रष्ट राजकारणी ते येतील मग निवडूनी,

म्हणून स्वाभिमान मनी सगळ्यांनी जागवा

सुंदर ह्या लोकशाहीस अतिसुंदर बनवा

खुर्चीचा खेळ सारा खुर्चीचा खेळ

 खुर्चीचा खेळ सारा खुर्चीचा खेळ

✒ K. Satish