अनुभवाची शिदोरी

अनुभवाची शिदोरी गाठीशी बांधून

आयुष्याच्या वाटेवर मार्गक्रमण करतो आहे...

वाटेवर घडणार्‍या प्रत्येक घटनेतून

ज्ञानाची घागर भरतो आहे...

✒ K. Satish

असे जगावे

आलो रडतंच जगात या मग

जीवनभर का बरे रडावे,

दुःखी क्षणांना सुखात बदलून

आनंदाने हसत जगावे.

✒ K. Satish

वाढदिवस म्हणजे काय ?

वाढदिवस म्हणजे काय?

आपण ह्या पृथ्वीतलावर जन्म घेतलेल्या दिवसाची आठवण...

आपल्या अस्तित्वाने प्रफुल्लित होणाऱ्या लोकांकडून व्यक्त होणार्‍या प्रेमरूपी सागरात डुंबणे...

जीवनयात्रेत पुढे पुढे मार्गक्रमण करताना दिवसागणिक आलेल्या अनुभवांच्या वृद्धिंगत झालेल्या साठ्यामुळे आपल्या परिपक्वतेत वाढ झाल्याचा अनुभव...

आयुष्यामध्ये आपल्या सुस्वभावामुळे, सहकार्याच्या भुमिकेमुळे, मधुर वाणीमुळे, बुद्धीचातुर्यामुळे, आणि चांगल्या कर्तृत्वाच्या जोरावर ज्यांच्या ज्यांच्या हृदयामध्ये आपल्यासाठी छोटीशी जागा निर्माण करण्यात यश आले असेल त्या सर्वांकडून प्रेमभावनेतून मिळालेल्या शुभेच्छांचा स्वीकार करणे...

✒ K. Satish

प्रेक्षागृह

पूर्वी माणसांची मनेही मोठी होती

आणि तशीच मोठी प्रेक्षागृहेही होती.

हळूहळू संकुचित झालेल्या मनांप्रमाणेच

प्रेक्षागृहेदेखील छोटी होत गेली.

✒ K. Satish

विश्वासघाताचा खंजीर

आपल्या विरोधी शत्रूपासून सावध असूनही

आपल्याला दगाफटका होतोच....

कारण आपला घात करणारा

विश्वासघाताचा खंजीर

आपल्या विरोधकाकडे नसून

आपल्याच एखाद्या निकटवर्तीयाकडे असतो.

✒ K. Satish

सत्याचा सामना

परिस्थिती ही आहे गंभीर

खंबीरपणाने लढायचे,

कधीतरी मृत्यू येणारच हो

मग का झुरून मरायचे ?

✒ K. Satish

थांबवा रे...

      कोरोना खोटा आहे असे मी मुळीच म्हणणार नाही. कारण त्याचा त्रास मी स्वतः अनुभवला आहे. परंतु , त्याच्या नावाखाली अनेकजण आपली पोळी भाजण्याचा जो काही घाणेरडा प्रकार करीत आहेत त्याचा निषेध करावा तितका कमी.

     पण मरणाऱ्यांच्या टाळूवरील लोणी खाणार्‍यांकडून चांगल्याची अपेक्षा कशी करता येईल ?

     मूठभर राजकारण्यांच्या हाती देश चालवायला दिलेल्या सामान्य नागरिकांना मात्र या राजकारण्यांच्या राजकीय कुरघोड्यांचे शिकार होऊन या देशाचे खरे वारसदार असतानाही गुलामगिरीचे आयुष्य जगावे लागते.

     याहून मोठी धक्कादायक व दुर्दैवी गोष्ट दुसरी कोणती असेल ? ? ?

✒ K. Satish